పొట్ట తో జత మట్టి తో జత
రెంటి నడుమ కొట్టు మిట్టాడిన కథ

అమ్మ నాన్నల వాత్సల్యం
నీది నాదని తెలియని బాల్యం
ఆట పాటలు నిండిన బాల్యం
మనవ జన్మకిది అమూల్యం

కోరికలతో కుళ్ళిన కాయం
అబద్దాల అంధకార మయం
కామం క్రోధం ద్వేషం భయం
నేటి యువతకిది దౌర్బల్యం

చేసిన తప్పులు తెలిసే వయసు
పశ్చాతాపం విరిసే వయసు
ప్రతి చర్యలో ముసురును కాసు
మానవత్వమిక అశువులు భాసు

ఆశలు తీరు ఆస్తులు పెరుగు
ఐన ఆగదు కాసుల పరుగు
సోమ్మంతా కలుగులో ములుగు
తేలియందోక్కటే కాలం కరుగు

పిల్లల కోసం మనుమల కోసం
చెయ్యక తప్పదు జనాన్ని మోసం
వృద్దాప్యం లో ఉండదు సాయం
ఒక్కరు వెయ్యరు గుప్పెడు గ్రాసం

జీవితమన్నది బుద్బుద ప్రాయం
ఎప్పుడు వదలకు నీతి ధర్మం
చూడుము దేవుని పొరుగు వాడిలో
నడువుము ధన్యుల అడుగు జాడలో